Li gor rapora Hale Vaş, roja 20`ê Sermaweza sala 1401`an, welatiyekî Belûç li bajarê Çabeharê ji aliyê hêzên ewlehiyê ve hat girtin û bo cihekî nediyar hat veguhestin.
Nasnameya vî welatiyê Belûç “Tareq Cengî Zahî” temen 18 salî kurê Ebûbekir xelkê bajarê Çabeharê ji aliyê Hale Vaş ve hatiye piştrastkirin.
Li gor çavkaniyeke agehdar “ev welatiyê han piştî nimêja înê bê sedem ji aliyê hêzên ewlehiyê ve hatiye girtin”.
Heta kêliya amadekirina raporê der barê cih û rewşa vî welatiyê han de tu agahî nehatine bidestxistin.
Hêjayî gotinê ye ku piştî xwepêşandanên vê dawiyê yên Sîstan û Belûçistanê, hejmarek zêde ji welatiyan bê sedem û li dijî rêkarên yasayî hatine girtin û çarenivîsa gelek ji wan nediyare.
