Mizgînî ji bo Belûçistanê
Li gorî rapora ajansa nûçan a Hale Waş`ê/ şeva buhurî 6`ê Çiriya Pêşîn a sala 1401`an, çalakvanekî civakî û geştiyariyê yê bajarê Çabeharê ku pêştir ji aliyê encûmena asayîşa vî bajarî ve rastî gefa girtinê hatibû, ji aliyê îstixbarata Supaya Pasdaran a bajarê Çabeharê ve hat girtin.
Nasnameya vî hemwelatiyê Belûç “Mobîn Belûç” yê xelkê bajarê Çabeharê hat tesbîtkirin.
Pêştir di civîna encûmena asayîşa bajarê Çabeharê ya roja 26`ê Şehrîvara sala 1401`an de, mijara destbiserkirina vî çalakvanê Belûç hate rojevê û di pêwendiyeke telefonî de dezgehên ewlehiyê daxwaz ji wî kiribûn ku dest ji çalakiyên civakî berde.
Mobîn Belûç di nav wan kesan de ye ku bi awayekî cidî li pey destdirêjiya rêveberê polîsê Çabeharê li ser keçeke 15 salî bû û daxwaza edaletê di vê dosyayê de kir.
Hate gotin ku piştî xwepêşandana xelkê Çabeharê, hêzên ewlehiyê bi hejmareke zêde xwepêşander girtine.
Hêjayî gotinê ye ku di van rojên dawî de gelek çalakvanên sivîl û mafên mirovan ên Belûç li bajarên cuda yên Sîstan û Belûçistanê bi şandina peyamên nivîskî yên ku xwe ji dozgeriyê re didin nasîn re rûbirû bûne.
