Mizgînî ji bo Belûçistanê
Taybetî/ Girtina rêyên ketin û derketinê yên çend bajar û beşên ku diçin cihê jidayikbûna Mehrab Şah Bexş.
Li gor nûçeyên niha ji Sîstan û Belûçistanê îro 07.01.1400ê li devera Sercengal a ser bi Zahedanê ve, piştî êrîşa firokeyên bêfirokevan ên Supaya Pasdaran li deşta Semsûrê, liv û tevgera hêzên leşkerî gelek zêde bûye.
Li gor zanyariyên bidest ketine, liv û tevgera hêzên leşkerî ku xalên kontrolê jî di nav de ne, li çend bajaran bi taybet li devera Sercengal û rojavayê Zahedanê atmosfereke ewlehiyê ava kiriye.
Ji aliyeke din ve li gor zanyariyên bidest ketine, termê “Mehrab Şah Bexş” ku îro di encama êrîşa firokeyên bêpîlot a hêzên pasdarên Şoreşê de hatibû kuştin. Îşev ji bo merasîma cenaze birin bajarê wî “Çah Ehmed” a ser bi devera Sercengal.
Li gorî vê raporê, efseran hemû rêyên ku diçin wî bajarî girtine, da ku rê nedin xelkê beşdarî merasima şîe ya Mehrab Şah Bexş bibin.
Li gorî nûçeyên ku hatine bidestxistin, rêyên ku diçin ser rêya Sercengal, Durahî Dûmag, Çah Ehmed, Korîn, Gêlî Bid, Şura Şadî, Şuro, Golugah û Çah Rehîm ji aliyê hêzên Pasdaran û rêxistinên din ve hatine girtin.
Li gorî van agahiyan, mirov dikare bêje ku li herêma stratejîk a rojavayê Zahedanê deverek berfireh hatiye dorpêçkirin.
